喂喂喂！各位島主，係時候回島啦！等到頸都長，任天堂終於出手，為《集合啦！動物森友會》推出咗 Nintendo Switch 2 Edition，仲要加送免費嘅 Ver. 3.0 大型更新！雖然唔係全新一集，但今次無論畫面定內容都係核彈級升級，舊玩家返嚟保證有驚喜，新玩家入坑就更加係最佳時機！

廢話唔多講，即刻睇下今次有幾堅！

🏝️ Switch 2 版 vs. Switch 舊版，究竟爽幾多？

換新機絕對值回票價！Switch 2嘅強大機能，令你個島靚到可以J圖！

功能Switch 2 版 （爽YY體驗）Switch 舊版 （回憶嘅味道）
電視畫質直上 4K 靚畫面，動物啲毛毛、地下啲草都睇得一清二楚！最高 1080p
神操作右手Joy-Con可以當Mouse用！裝修、畫Design、留言板寫字都快靚正！傳統菇頭 + 按鍵
新道具「大聲公」對住主機個Mic大嗌村民個名，佢喺遠處都聽到你！搵人唔使再跑餐死！無呢支歌仔唱
Online連線只要大家都係用Switch 2，就可以 12人一齊上島開Party！8缺4？唔再係問題！最多8人
讀取速度Load Game快咗勁多，無論出入屋定飛去朋友個島都勁暢順，無晒嗰種等到炆嘅感覺。正常發揮

🎉 免費 Ver. 3.0 更新！四大玩法進化，完全係新Game！

無論你用新機定舊機，只要更新就玩到！任天堂今次真係佛心公司！

1. 新玩法：做旅館大亨！航平全家同你搞「度假旅館」！
航平唔再淨係揸船，今次帶埋屋企人喺你個島開旅館，你可以：

  • 做室內設計師：幫啲遊客佈置靚房，發揮你嘅創意小宇宙！

  • 形象指導：同啲遊客吹水，仲可以幫佢哋襯返套衫，融入你個島嘅Style。

  • 整個「島之名物」：DIY島嶼限定手信，賺「旅館Coupon」換全新傢俬！

2. 新玩法：一人管四島！超屈機「夢境島」系統！
嫌一個島唔夠玩？而家你可以額外開 3個 「夢境島」，仲可以同Friend一齊起！

  • 多人協作：叫埋班Friend一齊做開荒牛，打造你哋嘅夢幻國度。

  • 做創世神：島嶼大細、天氣、時間全部由你話事！

  • 居民大遷徙：可以叫你主島啲居民過去參觀，搬屋都得！

3. 新玩法：懶人福音！搵「Reset先生」幫你執島！
執島執到想棄Game？而家可以課金（鈴錢）請 Reset先生 幫你搞掂！

  • 一鍵執屋：可以揀執全島定指定區域，啲嘢會自動入晒你屋企個倉。

  • 倉庫大到離譜：收納上限由5,000爆升到 9,000！最正係連樹同花都可以直接入倉！

4. 新玩法：跨界聯乘！LEGO、薩爾達踩過界！
今次多咗勁多聯名Item，收藏癮起！

  • 任記經典主機：紅白機、Game Boy傢俬列陣！如果你係NCL會員，仲可以喺遊戲入面玩返指定嘅經典Game！

  • LEGO®：成個系列嘅LEGO主題傢俬同衫，砌模型咁砌間屋！

  • 薩爾達傳說 & Splatoon：用返相關amiibo就可以請到佢哋嚟玩，仲有特別傢俬送！

💡 新手/舊島主必睇！點樣玩到最盡？

【新手上島速成班】

  1. 換哩數攻略：瘋狂做任務儲Nook哩數，第一時間換「口袋整理技巧」（加大個袋）同「平常就能用！道具手冊」（整啲襟用啲嘅工具）。

  2. 諗清諗楚先起嘢：服務處、博物館、商店最好起埋一齊，方便！因為之後搬位要使好多錢。

  3. 咪亂食生果敲石！：食咗生果先敲石，舊石會爆開得一舊材料，超浪費！想挖鐵礦石就唔好食住！

【舊島主回歸 Checklist】

  1. 即刻去飲咖啡：狗衝去博物館搵傅達，開「鴿子巢」咖啡店任務，嘆返杯Brewster老闆嘅手沖咖啡先。

  2. 上航平隻船：去碼頭搵航平，佢會隨機帶你去神秘島，有特殊植物同唔同季節，尋寶一流！

  3. 行下巴獵島廣場：巴獵島變咗個市集，你可以贊助開店，然然、薛革、狐利全部都有舖頭，唔使再等佢哋隨機嚟。

🛍️ 荷包君，你準備好未？課金專區

想玩得更Pro？以下周邊係基本嘢啦！

  • amiibo卡/ Splatoon amiibo/ Zelda Amiibo/ 動森Amiibo
    動森嘅靈魂！有咗佢，你可以請指定嘅心水居民上島、解鎖角色海報，仲可以用喺DLC《快樂家樂園》。Sanrio聯名卡包更加係必搶，Hello Kitty主題傢俬靚到癲！

  • Switch 主機周邊
    想部機都襯返個game？市面大把動森主題配件，主機貼、保護殼、收納包、貓爪菇頭粒，要乜有乜！想買手掣同硬殼收納包，可以睇下啲專出周邊嘅牌子，實有款啱你。

快啲Share出去，約埋班Friend一齊上島啦！